albisteak

LABek Negoziazio Kolektiboaren suntsiketak dakartzan arazo sozial eta politikoak mahaigaineratu ditu gaur, beste behin, Bilbon eskainitako prentsaurrean. Suntsiketa honek langabezia eta pobrezia sortuko duela jakitun, Negoziazio Kolektiboaren defentsan sindikatuak aurrera begira ezarritako erronkak jasotzen dituen adierazpena aurkeztu du. Ainhoa Etxaide, LABeko idazkari nagusiak, jadanik delegatuekin konpartitu den adierazpena, datozen egunetan Euskal Herriko langile, sindikatu eta instituzioei helaraziko zaiela adierazi du.

CAFeko enpresa batzordeak bere osotasunean deituta, HERRIRA herri mugimenduaren aurka egin den operazioa salatzeko eta euskal presoen eskubideen  eta konponbidearen alde, ordu bateko elkarretaratzea burutu dugu Beasaingo CAFeko langileok fabrika atarian.

  Astelehenean Guardi Zibilak HERRIRA elkartearen aurka buruturiko operazio politiko polizialaren aurrean Beasaingo enpresa batzordeak honakoa adierazi nahi du: Enpresa batzordeak, gogor salatu nahi du euskal preso politikoen eskubideen defentsan lanean aritzen den HERRIRA elkartearen aurka buruturiko operazio politiko poliziala. Operazio honen helburu nagusia euskal presoen eskubideen defentsan aritzen den edonor kriminalizatzea da. Enpresa batzordeak, operazio politiko polizial hau, euskal …

Goizeko 9:00etan eman diote hasiera bi egunetan egingo dituzten 12 orduko elkarretaratzeen lehenari LABeko Gipuzkoako Metalgintzako delegatuek.  LAB sindikatuak behin eta berriro adierazi du, bai uztailaren 7a aurretik, baita ondoren ere, sektore eta enpresa hitzarmenen defentsan borrokan segiko duela. Gaur eta bihar, 12 orduko elkarretaratzeak egingo dutezte ADEGI aurrean eta ostiralean eguerdiko 12.30etan manifestazioa egingo dute ADEGIren aurretik abiatuta.

Asteartean, uztailaren 2an, herrialdeko metaleko mahaia bildu zen. LAB sindikatuak, CCOO eta UGTrekin batera, aurreko bileran egindako proposamena berretsi genuen eta ADEGIri erantzukizunez jokatzeko eskatu genion. ADEGIk Madriletik oparitu dieten Lan Erreforma bere osotasunean aplikatzeko asmoa adierazi zigun, “hitzarmena nahi baduzue, uko egin zuon eskubideei eta onartu lan erreforma” esanaz.  LAB sindikatuak uko egiten dio inposaketan oinarrituriko negoziaketa eredu honi …

Metalgintza arloko hirugarren greba eguna egiten ari dira gaur Gipuzkoan, LAB, CCOO eta UGT sindikatuek deituta. Gaurko antolatu dituzten mobilizazioen artean, Adegiko buruaren enpresan elkarretaratzea egin dute hogeita bost bat langilek, LABek deituta. Gainera, lau lagun kateatu egin dira Hine enpresako sarreran. Ertzainak etorri eta kateak ebaki dizkiete. Arazorik egon ez bada ere, tentsio uneak izan dira, ertzainak protestan ari …

Metaleko hitzarmena defenda dezagun zioen pankartaren atzean ehunka lagun bildu dira gaur Ordizian, azoka egunarekin bat eginez egin duten manifestazioan. Metalgintzan aste honetarako deituriko bigarren greba eguna izan da gaurkoa. Zehazki, LAB, CCOO, UGT eta ESK sindikatuek deituta astelehenean egin zuten lehen greba eguna, gaur bigarrena eta etzi izango dute hirugarrena. Manifestazioaren amaieran, Aitor Urkiola LABeko ordezkariak herrialdeko hitzarmenaren aldeko defentsa …

LAB sindikatua Adegiren egoitzaren aurrean izan da gaur goizean herrialdeko hitzarmenen egoera larriaren erantzulea patronalaren inmobilismoa eta blokeoa dela salatzeko. Sindikatuko hainbat kide bulegoen sarreran kateatu dira sektoreko eta enpresetako hitzarmenen defentsan eta langileon eskubideak bermatzeko bide bakarra borroka eta mobilizazioa dela aldarrikatuz. Langileon eskubideen alde kateaturik zeuden LABeko kideak bertatik botatzeko Adegik poliziari deitu dio eta tentsio momentuak bizi izan dira …

Gaur hemen enpresa haundietako sindikatu ezberdinetako delegatuak bildu gara. Helburua batekin, Metaleko hitzarmenaren aldeko borrokari gure atxikimendu osoa ematea. Bereziki datorren asteko 17, 19 eta 21eko  egunetarako hitzarmen honen blindajerako egingo diren greba deialdiari gure atxikimendua ematera.

Hemen gauden guztiok enpresa eremuan paktu edo hitzarmen propioa eduki arren, bat egiten dugu datorren asteko greba egunekin. Arrazoiak  honakoak dira:

1-Hitzarmen sektorial honek barnebiltzen dituen eskubide kolektiboak determinanteak dira metaleko langile guztiontzako. Determinanteak enpresa eremuan negoziaketa kolektiborako eskubidea ez duten enpresa ertain eta txikientzako, eta determinanteak paktua edo hitzarmen propioa dugun enpresetako langileentzako. Determinanteak dira gure paktu eta hitzarmenak negoziatzeko oinarrizko abiapuntua izan delako beti.