Milaka pertsonek Bilboko kaleak bete dituzte Euskal Herriarentzako eredu ekonomiko eta sozial justu bat aldarrikatzeko. Eragile sozial eta sindikatuek deituta, instituzioetatik aplikatzen ari diren politikak salatu eta alternatiba eraikitzea presazkoa eta posible dela adierazi dute. LAB sindikatua ordezkatuz, Sonia Gonzalez, komunikazio idazkariak, gogorarazi du Gasteiz eta Iruñeako Gobernuek elite ekonomikoaren proiektu berbera konpartitzen dutela eta mezua helarazi nahi izan die, argi izan …

Duela gutxi Enpresa Batzordeak, ELA, CCOO eta ESKren gehiengoz, langile taldekoak diren eta enplegatuen lanak burutzen dituzten edo etorkizunean burutuko dituzten langileentzat talde profesionalen aldaketa nola erregulatuko den sinatu zuen.

Urtebete baino gehiagoko negoziaketa izan du aurrekari gisa akordio honek eta hauek dira LABek AKORDIO HAU EZ SINATU IZANAREN ARRAZOIAK:

1. Enplegatuen taldera pasatu ahal izateko beharrezkoa izango da langileak lan egiten duen departamentuaren eta Giza Baliabideen onespena. Zer gertatuko da aldaketa eskatzen ari den langile bati bere departamentuak edo GG.BB.ek onartzen ez badiote? enpresa epaiketa bidean jartzeko aukera murriztua edo ezerezean geratzen da Batzordearekin akordio bat dagoelako.

2. Enplegatuen taldeko kategoriarik baxuenera emango da aldaketa (auxiliar). Ez da kontutan hartuko langileen taldean lortu den kategoria. Onartu al dezakegu 10 urte 2. mailako ofizial gisa daramatzan langile bat (2 urte soilik falta zaizkionean 1. mailako ofizial izateko) auxiliar izatera pasatzea eta berriro ere igoeren ibilbide guztia egitera behartzea?

ELA, LAB, ESK, STEE-EILAS, EHNE, HIRU CGT-LKN eta CNT sindikatuek beste hainbat eragile sozialekin batera agerraldia egin dute Bilbon, instituzioetatik aplikatzen ari diren politikak salatu eta alternatiba eraikitzea presazkoa eta posible dela aldarrikatzeko. Argi utzi nahi izan diete Nafarroa eta Gasteizko gobernuei Euskal Herriko jendartearen eskaerei erantzun behar dietela Madrilera begiratu beharrean. Euskal jendarteak ozen aldarrikatu ditu politika sozial eta laboral propioak eta hala egingo du berriro ere martxoak 16an arratsaldeko 17:30 ean Bilboko kaleak zeharkatuko dituen manifestazioan.

(LAB, CCOO eta ESKren aldeko botoaz eta ELAren ezezkoarekin)

Enpresa batzorde desberdinek non egoera bat edo bestegatik bertako langileak borrokan dauden beraien lanpostuen defentsan, sektore guztiak (eraikuntza, industria, komertzioa, osteleritza, sektore publikoa...) eta orokorrean gizarte osoa batuko dituen manifestaldi baterako deialdia egin dute. Lanpostuen defentsan aurrera eramaten ari diren borrokak ez bai dira eta ez dute borroka indibidualak izan behar.

(LAB eta CC.OOen gehiengoz)

Enpresa Batzordeak III.saileko arduradunei entregatu genien idatziari enpresak eman dion erantzunaren inguruan ondorengoa adierazi nahi dugu:

• Enpresak argudiatzen du Houstoneko eskarian pilatutako atzerapena ez dela material faltarengatik, ez produktuaren kalitate arazoengatik eta ezta antolakuntza edo jarraipen arazoengatik izan. Orduan ondorioztatzen dugu enpresaren ustez atzerapen hori abenduko geldialdien ondorio izan dela. Hau da, atzerapenaren erru bakarra langileek izan dutela. Enpresaren erantzunari erabat kontrajarriz, guri langileek helarazi digutenaren arabera atzerapena guk aurreko idatzian aipatutako arazoen ondorioz izan dela pentsatzen jarraitzen dugu.
   
• Enpresak dioen moduan ez badago antolakuntza arazorik, ez luke arazorik egon behar oporrak arte sail honetan dauden eskarien eta prozesu produktiboen eta beren planifikazioaren inguruan batzordeak bertako nagusiei eskatu diogun informazioa mahai gainean jartzeko. Materialen erosketan, logistikan, matxuretan, modifikazioetan,… izan diren inzidentzia kopuruaren berri emateko ere ez lukete arazorik izan behar. Ezin dugu ahaztu inzidentzi guzti hauek geldialdi orduak sortzen dituztela.
  Read More »

2013-1-16ean 4. Saileko lan karga faltei aurre egiteko, enpresarekin adostutako neurri aringarriak onartzeko bozketen emaitzak ondorengo hauek izan dira:   BAI 801 EZ 110 ZURIAK 89 BALIOGABEAK 2 DENERA 1002 OHARRA: Ondorioz, 4. Saileko lan karga faltei aurre egiteko, enpresarekin adostutako neurri aringarriak onartuta geratzen dira.

Gaur, abenduaren 17an, goizeko 07:00etan, Enpresako Zuzendaritzak, Enpresa Batzordeari komunikatu baten bidez, suspentsio espedientearen bideratzea eraginik gabe uzteko erabakia jakinarazi digu.

Era berean, Enpresa batzordeari bihar, asteartea, hilaren 18an, bilera egiteko deia luzatu dio. Bilera horretan eta hurrengoetan, okupazioko orduen defizita landuko da, Enpresa Batzordeak hasiera-hasieratik eskatu zion moduan ( hau da, EREa bertan behera uzteko eta langileen ordezkariekin biltzeko, beste aukera posible batzuk landu eta adostu ahal izateko).

 
Batzorde honek oso balorazio positiboa egiten du suspentsio-espedientea bertan behera uztearen inguruan. Era berean, langile guztiei aipamen eta errekonozimendu berezi bat egin nahi diegu, gatazka honetan mantendu dugun borroka irmo eta eredugarriarengatik. Horrez gain, balorazio positiboa egin nahi dugu Enpresak emandako urratsarengatik, izan ere, sortutako egoera birbideratzen asmatu eta egoera honen aurrean egon daitezkeen alternatibak aztertu eta akordio bidez adosteko bere prestutasuna agertu duelako. ZORIONAK DENEI!

CAFeko zuzendaritzak bilera batetara konbokatu du Komitea gaur astelehena goizeko 7.00etarako. Bileran, enpresak EREa erretiratzen duela esan du, eta 2013ko lehen 6 hilekoan egon daiteken okupazio faltari irtenbidea bilatzeko, Komitearekin bilera ziklo bat hastea proposatu du. CAFeko langileok aurrera eramandako borrokaren emaitza da lorpen hau, eta goizeko 7.30etan egindako batzarrean langileek oso pozik hartu dute albistea. Aste honetarako eta aurrerantzean …