albisteak

Negu, udaberri nahiz uda, preso eta iheslariak gure artean izan arte mobilizaziok burutzen segiko dugu. Azken ostiraleko mobilizazio hauek enpresako sarrera ezberdinetan burutzen segitzen dugu eta kasu honetan 3. saileko sarrera nagusian kontzentratu gara. Euskal Preso eta Iheslariak etxera, LANTOKIETARA!

@Kpitalariplanto elkarteak Enpresa transnazionalen eta giza eskubideen euskal zentroa sortzeko abian jarritako kanpainari atxikimendua eman dio #CAF|eko Komiteak. Gaur Bilbon burutu den kanpainaren aurkezpen publikoan parte hartu dugu. 90 sindikatu eta eragile baino gehiagok eman diogu atxikimendua aipatutako manifestuari. Ondorengo estekan irakurgai dago manifestua eta atxikimendua emateko aukera:http://www.kapitalariplanto.eus/eu/enpresa-transnazionalak/

Ordubeteko lanuztea 4. saileko arduradunen jarrera salatzeko Azken hilabeteetan 4. Sailean giro nahasten ari da. Egunerokotasuneko arazoak konpondu ordez, txikikerietan denbora galtzen duten arduradunek sortu dute nahasmen hau. Langileonganako zentzurik gabeko kontrola amaitu behar da, mandoei polizia lana ezartzeko asmoa amaitu behar da, errespeturik gabeko jarrerak amaitu behar dira. Arazo puntualik balego, konpondu dezatela era puntualean. Gaur Giza Baliabideetako arduradun …

Langileokiko begirunea aldarrikatzen da mobilizazioetan 4. saileko arduradunen jarrera salatzeko protesta ezberdinak burutu ditugu atzo eta gaur. Atzokoan 5 minutuko protesta zaratatsua burutu genuen 4. saileko gune guztietan. Gaurkoan aldiz, pauso bat haratago eman eta ordu erdiko lanuztea burutu dugu eta aipatutako arduradunen bulego aurrean kontzentratu gara. Astea amaitzeko ostiralean ordubeteko lanuztea burutuko dugu GGBBko arduradunen aurrean kontzentratuz.

Hilabeteko azken ostiralero gisan, gaurkoan ere euskal preso eta iheslarien etxeratzearen alde mobilizatu gara. Gurekin nahi eta behar ditugulako, denak etxean izan arte Euskal Preso eta Iheslariak etxera, LANTEGIETARA!

Bada denbora Enpresa Batzordetik 4.saileko arduradun nagusien jarrera salatzen dihardugula. Inolako keinu edo eta aldaketarik ikusi ordez, langileon artean sumatzen da giroa txartu besterik ez dela egin azken aldian. Badira 4.sailean konpondu edo txukundu beharreko zenbait arazo. Badira guztion artean zuzendu beharreko zenbait jarrera eta aurrez datozen zenbait inertzia aldatu beharra ere. Langileon inplikazioa bilatu beharrean, zentzurik gabeko txikikerietan galtzen …

4. saileko akaberako deskantsu guneko mahaiak bi aldiz jarri ditugu bere lekuan eta enpresak bietan kendu ditu. Oraingoan torlojuz josi ditugu lurrera. Ekintza sinboliko hutsa izateaz haratago, 4. saileko arduradunen atentzioa deitu nahi dugu. Kafea deskantsu guneetan hartzen ez uztea, arduradun hauen jarreraren metafora bat baino ez da, nahikoa da.

Gaur igandea, ₐₗₜₓₐ! ₑgᵢₙ dₑzₐgᵤₙ ₚₒₛᵢbₗₑ lemapean ospatuko du LABen aurteko Maiatzaren 1a. Euskal herriko hiri eta herri askotan mobilizatuz: Donostia, Bilbo, Maule, Eibar, Altsasu, Leitza… Aipatu bezala, Gipuzkoan Donostian burutuko da ekitaldi nagusia 12:00tan Easo plazatik abiatuko den manifestazio batekin. Beraz, familiarekin, lagunekin, lankideekin edo nahi duzuenarekin baino animatu eta goazen Donostiako kaleak betetzera.

Gaurko egunean beste ekimen batzuk ere bagenituen arren, hilabeteroko gisan ez dugu Preso eta Iheslariak etxeratzeko aldarria alde batera utzi nahi izan.Kontzentrazioak aldiro enpresako sarrera ezberdinetan burutzen ari garen heinean, gaurkoan Enpresa Batzordea kokatzen den bulegoen atarian egin dugu.Denak etxean izan arte, Preso eta Iheslariak etxera, LANTEGIETARA!

Bi orduko lanuztea egin eta manifestazio eta omenaldia burutu ditugu. Gaurkoan, Lan Osasunaren Nazioarteko egunaren harira, amiantoaren ondorioz gaixotu eta hil diren lankide edo eta hauen senideak omentzeko ekintzak burutu ditugu Beasain eta Irungo lantegietan. Beasainen 10:00tatik 12:00tara paroa burutu dugu eta tarte horretan Beasaingo kaleetan zehar manifestazioa burutu dugu eta ondoren azken bizpahiru urteetan hildakoak omendu ditugu. Bi ekimen …