Asteartea, azaroak 19,  4 lagun tartean CAFeko gure kide diren Dionisio Agirre eta Joseba Iparragirre deklaratzera deituak izan dira, ekainean Hitzarmen probintzialaren defentsan antolatuta zegoen greba egun batean, Adegiko idazkari nagusiaren lantegiaren aurrean kateatu zirelako. LABetik gure elkartasun guztia agertzeaz gain auziperatu hauei, hitzarmen probintzialaren alde borrokan jarraituko dugula berresten dugu. Enpleguaren eta hitzarmen probintzialen defentsan, LANGILEOK KALERA!     …

LABek Negoziazio Kolektiboaren suntsiketak dakartzan arazo sozial eta politikoak mahaigaineratu ditu gaur, beste behin, Bilbon eskainitako prentsaurrean. Suntsiketa honek langabezia eta pobrezia sortuko duela jakitun, Negoziazio Kolektiboaren defentsan sindikatuak aurrera begira ezarritako erronkak jasotzen dituen adierazpena aurkeztu du. Ainhoa Etxaide, LABeko idazkari nagusiak, jadanik delegatuekin konpartitu den adierazpena, datozen egunetan Euskal Herriko langile, sindikatu eta instituzioei helaraziko zaiela adierazi du.

CAFeko enpresa batzordeak bere osotasunean deituta, HERRIRA herri mugimenduaren aurka egin den operazioa salatzeko eta euskal presoen eskubideen  eta konponbidearen alde, ordu bateko elkarretaratzea burutu dugu Beasaingo CAFeko langileok fabrika atarian.