LABetik gogor salatu nahi dugu atzo arratsaldez Euskal Preso Politikoen Kolektiboak eman duen urratsaren kontra Espainiar Estatuak abian duen operazio errepresiboa. Egoeraren larritasunak gogoeta pausatu eta sakonago bat eskatzen badu ere, premiazko lehen erreakzio moduan salatu nahi dugu atzoko operazioa kolektiboak egin urratsa kolpatzeko helburuarekin antolatutako operazio polizial, politiko eta mediatiko bat dela. Era berean LABek dei egiten die langileei presoen eskubideen alde kalera ateratzeko.

Ezaguna da Estatu espainiarrean mendeku gogoa Euskal Herriko gatazka konpontzeko bidean ekarpenak egiten dituen guztiaren kontra. Areago, presoen eremua denean, honek Euskal Herriaren egoera modu positiboan astintzeko gaitasuna baitu eta Estatuaren inmobilismoa euskal jendartearen aurrean biluzteko gaitasuna ere bai.

Enpresa Batzordeak ohar honekin batera publikatzen dugun “TANTAZ TANTA” mugimendu sozialak bultzaturiko manifestuarekin bat egiten dugu. Bide batez, dei egiten diegu langile guztiei datorren larunbatean, hilak 11an, “Giza eskubideak, irtenbidea, bakea. Euskal presoak Euskal Herrira” lemapean Bilbon burutuko diren ekitaldietan parte har dezaten. El Comité de Empresa se suma al llamamiento de la iniciativa “TANTAZ TANTA”, apoyando su manifiesto que …

Bihar asteartea, abenduak 3, Euskararen Nazioarteko Eguna dela eta biharamunean, abenduak 4 asteazkenean, CAFeko Euskara Batzordeak antolaturiko urteroko hitzaldia izango dugu fabrikan.