CAF hitzarmena

Enpresa Batzorde eta Zuzendaritzaren arteko lehen proposamen trukatzeen ondoren, azken asteotan negoziaketek beste abiadura bat hartu dute. Honekin batera, negoziaketa bera ere gogortzen ari da eta maiatzaren 23ko langile batzarrean lehen presio neurriak adostu ziren: ordu extrarik ez egitea eta errelebo edo eta opor egunen aldaketak ez onartzea. Orduztik, hartu-eman gehiago izan dira bi aldeen artean baino oraindik Zuzendaritzaren eskaintza …

Pasa den martxoaren 19an zuzendaritzak emandako eskaintzak inongo hobekuntza nabarmenik ez planteatzeaz gain, arrazoizko denbora epe batean akordio batera iristeko borondate falta erakutsi zuen.

Ez hori bakarrik, egungo zein etorkizuneko egoerak aztertzeko sail ezberdinetako arduradunen eta Komitearen artean egin beharreko bilerak ere ukatu zituzten. Hasiera batean eurak izan ziren negoziaketetarako estilo berri baten aitzakian, bilera tekniko hauek proposatu zituztenak. Bilera hauek guk eskatu ditugunean ordea, erantzuna ezezkoa izan da.

Bizi dugun egungo egoeran, gutxienez bi urtetarako CAFen oreka soziala mantentzeko akordio azkar bat lortzea bada helburua, zentzu horretan bideratutako gutxiengo edukiak jaso beharko lituzke zuzendaritzaren proposamenak.

ZORIONAK DENOI!!! Hemen dituzue gaur burutu ditugun batzarren emaitzak. BEASAIN IRUN MADRID DENERA BAI 939 183 5 1127 EZ 336 6 82 424 ZURIAK 87 0 9 96 NULOAK 4 0 0 4 DENETARA 1366 189 96 1651   LANA BANATU, ABERASTASUNA BANATU!!!  

LABetik atzo enpresarekin lortutako aurre-akordioaren  lehen 

balorazioa egin nahi dugu.

IRAUPENA

• 2012-2013 2 urtetarako hitzarmena eta beste 2 urtetako ultraaktibitatea.

ENPLEGUA

• Gaur egun Beasainen eta Irunen daukagun plantilla mantentzen da eta ez dira kontratuak etengo hitzarmen bijentzia honetan.
• 10 ebentualentzat 6 hilabeteko prorroga beraien kontratuetan eta zuzendaritzan borondatea fijo gera daitezen.

LANALDIA

• Soldatak murriztu gabe, langile zein enplegatu guzientzat 35 orduak lortzen dira. Lanaldi jaitsiera lan egutegietan jasoko da. 2014tik aurrera gure lanaldia 1.592,5 ordukoa izaten jarraituko du eta langile gehiago kontratatzen denean, soilik orduan, lanaldia igotzeaz hitz egin ahal izango da, eta betiere komitearen adostasunarekin.
  Read More »

Hilabete asko, agian gehiegi, pasa dira Hitzarmeneko negoziazioan aurrerapausoak eman gabe. Negoziazio bat, hainbat elementuk baldintzatu dutena (krisi egoera orokorra, CAFen lan kargen inguruan aurreikusten den egoera, aurre-erretiro planteamenduak, Lan Erreforma, Rajoyren ostiralak, …).

Testuinguru nahasi honetan, baldintza hauei aurre eginez, beharrezkoa dugu hitzarmena bideratzea, behingoz.

Hau guztiagatik, Enpresa Batzordeek lanuzte plan sendo bat aurkeztea erabaki dugu, enpresako zuzendaritza mugiarazi dezan.

Ez da gure helburua ahalik eta paro gehien egitea, nahiko genuke lanuzte egutegi osoa burutu behar ez izatea. Baina era berean uste dugu, enpresak gure eskaerak usteltzeko duen asmoa geldiarazteko soilik mobilizazio sendo batekin, lanuzte garrantzitsuekin, lortu dezakegula.

ENPRESA BATZORDEAREN OHARRA Enpresako Zuzendaritzak ez du denbora asko itxaron langileok batzarrean hartu ditugun erabakiei erantzuteko. Zuzendaritzak korreo bat bidali die fabrikako arduradun guztiei hartu dituzten erabakien berri emateko. Ondoren datorrena enpresak bidalitako testua da, eta noski berain barne komunikazioetan, ohitura denez, gaztelera hutsean dago: Enpresa Batzordetik ere, adostu genuen moduan, CAFeko arduradunei korreo hau bidali diegu: Otsailak 23an, Beasain, …

4 bilera egin ondoren eta Enpresak proposamen seriorik egin gabe, gure hitzarmenaren negoziazioa blokeatuta dago. Zuzendaritzak CAFerako hitzarmena negoziatzeko biltzea nahi du, orain arte gure hitzarmenaren oinarrietako bat izan dena baztertuta: probintziako hitzarmena. Zuzendaritzaren helburua  grebarako gure eskubideari uko egitea da; bestela enpresa ituna negoziatzera ez dela eseriko dio.

Argi esanda: CAFeko Zuzendaritzak,  ADEGI, CONFEBASK edo CEOEko patronalaren interesekin bat eginda metal arloko gainerako langileekin ditugun loturak behin betikoz hautsi eta aldendu nahi ditu.  

Egunero ikus dezakegu hori.  Madrildik, Euskadiko patronaletatik eta CAFeko zuzendaritzatik, langileen antolaketarako eta borrokarako indarra suntsitu nahi dute enpresetan oinarrizkoenak diren lan-baldintzen negoziazioa ezarrita eta probintzia mailako hitzarmenaren moduko akordioei balioa kenduta. Ahal duenak ahal duena negoziatzeko aukera sortu nahi dute enpresetarako inolako mugarik gabe; baina, hori bai, beheranzko joerarekin negoziatzeko inolako mugarik gabe.

Enpresa txiki eta ertainetako langileak eskuduntzarik eta gutxieneko duin batzuk bermatuko dizkien indar sindikalik gabeko probintziako hitzarmena baino ez dute izango; enpresa handiek, aldiz, enpresaren egoeraren eta haietako batzordeen eta sindikatuen gaitasunaren arabera, soldata-erregimena ez aplikatzea eta beste edozein eskubide murriztea hitzartu ahal izango dituzte. Ahal duenak zerbait lor dezala; gainerakoek, sufritu egin beharko dute.

Emaitza hauen ondorioz presio neurriak onartuak izan dira eta Batzordea ahalik eta bizkorren bilduko da Enpresarekin, xantaiarekin amai dezala eta negoziazio serio bat hasi dezala eskatzeko.    BIM BEASAIN IRUN MADRID BAI 1339 1023 200 116 EZ 67 56 11 0 ZURIAK 38 36 2 0 BALIOGABEAK 11 4 0 7 DENETARA 1455 1119 213 123

ORDU ESTREN INGURUKO ERREGULAZIOA

Langile Batzarrean ordu estrak ez egiteko onartu ondoren, honako erregulazioa adosten da:

• Ez da lanalditik kanpo inongo lan ordurik egingo, ez diruz ordaindutako orduak ez eta denbora librean ordaindutakoak. (ordu estrak).

• Enpresako mando eta enkargatuei, gutun baten bidez, batzarren kontrako jarrerarik ez agertzeko helaraziko zaie. Ondorioz, ordu estrak egiteko eskaera ez dezatela proposatu eskatzen zaie.

• Enpresa Batzordean ordu estrak egin direla baieztatzen bada, ohar bat publikatuko da zenbat pertsona, zein sekzioetan eta zenbat ordu egin diren azalduz.

• Mando eta titulatuen kasuan, honen inguruko informazioa egongo balitz berdin egingo da oharra publikatuz.

• Ordu estrak egin dituzten langileei gutun bat helaraziko zaie beraien jarrera salatuz. Bertan egoera hau ez errepikatzeko eskatuko zaie eta lehen bai lehen egindako orduak gozatzeko eskatuz.

• Enpresa batzordean baieztatuko balitz larunbatetan ordu estrak egiten direla, enpresa batzordeko zenbait kide etorriko dira egun horietan batzarrean adostutakoaz informatzeko.

• H13 orduak errekuperatzeko aukera mantentzen da.

• Mantenimenduko sekzioan ordu estrak larrialdiko egoeratan egingo dira, soilik.

• Fabrikatik kanpo dabilen langileek egindako orduak fabrikara bueltatzerakoan gozatuko dituzte.